ნიუ-იორკს თავს დაატყდა ისტორიაში ყველაზე სასტიკი ქარიშხალი „სენდი“. შელი, ბრუკლინში მცხოვრები Airbnb მასპინძელი, დაუკავშირდა Airbnb-ს, რომ გაერკვია, შეეძლო თუ არა უფასოდ შეეთავაზებინა საცხოვრებელი ევაკუირებულებისთვის. Airbnb-ს გუნდი საათობით მუშაობდა იმისთვის, რომ ეს შესაძლებლად ექცია, ცოტა ხანში კი 1000-ზე მეტმა მასპინძელმა გაუღო საკუთარი სახლის კარი დროებითი საცხოვრებლის მაძიებლებს.

ადგილობრივი ხელისუფლების თხოვნით, Airbnb‑მ, Uber‑მა და JetBlue‑მ საცხოვრებლით, ავიაბილეთებითა და სახმელეთო ტრანსპორტით უზრუნველყვეს ოჯახები, რომლებიც ახლობლების დაკრძალვაზე თუ საავადმყოფოში მათ მოსანახულებლად მიემგზავრებოდნენ. მასპინძელთა გაერთიანებამ მაშინ პირველად შესთავაზა საცხოვრებლები მასობრივი სროლით დაზარალებულ ადამიანებს.

Airbnb საცხოვრებლით უზრუნველყოფს შვიდი მეტწილად მუსლიმანური ქვეყნიდან იძულებით გადაადგილებულ ლტოლვილებს, რომლებსაც აშშ-ში გაცემული ბრძანების მიხედვით, დროებით უარი ეთქვათ ქვეყანაში შემოშვებაზე. ამას გარდა, 4 წლის განმავლობაში, Airbnb საერთაშორისო სამაშველო კომიტეტისთვის 4 მილიონ აშშ დოლარს გაიღებს იძულებით გადაადგილებული პირების საცხოვრებლით უზრუნველყოფის მიზნით.

სიუზანი და მუსა დენვერში

ლტოლვილთა საერთაშორისო დღეს Airbnb-მ გამოაცხადა, რომ Open Homes-ის ფარგლებში ადამიანების საცხოვრებლით უზრუნველყოფის კუთხით ძალისხმევას გააორმაგებდა. აღნიშნულმა პროგრამამ მასპინძლებს საშუალება მისცა, უფასოდ შეეთავაზებინათ საცხოვრებელი ადამიანებისთვის, რომლებიც სტიქიური უბედურებით დაზარალდნენ ან კონფლიქტს გამოექცნენ.

Open Homes გაერთიანება ერთდროულად 4 სტიქიურ უბედურებას გამოეხმაურა. ქარიშხალ „ჰარვის“ მასპინძელთა გაერთიანების მხრიდან ყველაზე დიდი გამოხმაურება მოჰყვა. სულ რაღაც ერთ თვეში მასპინძლები 3 შტატიდან ევაკუირებულ 2000-ზე მეტ პირს დაეხმარნენ. ამავდროულად, მასპინძლებმა სახლის კარი გაუღეს ადამიანებს, რომლებიც ქარიშხალ „მარიას“, ქარიშხალ „ირმას“ და მეხიკოში მომხდარი მიწისძვრის შედეგად დაზარალდნენ.

Biden Cancer Summit-ზე Airbnb-მ წარმოადგინა ინიციატივა, რომლის თანახმადაც, Hospitality Homes-თან, Fisher House-თან და Make-A-Wish-თან თანამშრომლობით ის პაციენტებს საცხოვრებლებს შესთავაზებს. მისი მეშვეობით Open Homes-ის წევრები უფასოდ შესთავაზებენ საცხოვრებელს მათ, ვისაც მკურნალობის მიზნით შორ მანძილზე გამგზავრება უწევს.

1300-კილომეტრიანი მოგზაურობა მკურნალობისთვის

მასპინძლებს სურდათ, Open Homes-ში მონაწილეობის მეტი შესაძლებლობა ჰქონოდათ. სწორედ ამიტომ, Airbnb წარმოგიდგენთ შემოწირულობების პლატფორმას, რომლის მეშვეობითაც მასპინძლებს შეუძლიათ თავიანთი შემოსავლიდან გაიღონ გარკვეული პროცენტი Open Homes-ის პარტნიორი არაკომერციული ორგანიზაციების სასარგებლოდ და ამგვარად შესაბამისი საჭიროების მქონე ადამიანების დაბინავებაში დაეხმარონ.

Airbnb მასპინძლებს სთავაზობს ახალ საშუალებას, რომ მონაწილეობა მიიღონ COVID-19-თან მებრძოლი მედიკოსებისა და სხვა სპეციალისტების უსაფრთხო საცხოვრებლებით უზრუნველყოფაში.

Airbnb აფუძნებს Airbnb.org-ს და აღნიშნავს Open Homes პროგრამის ფარგლებში მასპინძლებისა და პარტნიორების მიერ მიღწეულ წარმატებას. როგორც დამოუკიდებელი არაკომერციული ორგანიზაცია, Airbnb.org მასპინძლებს რთულ ვითარებაში აღმოჩენილი ადამიანებისთვის საცხოვრებლის შეთავაზებასა და რესურსების გაზიარებაში დაეხმარება.

ისეთი სამყაროს შესაქმნელად, სადაც ყველა თავს შინაურად იგრძნობს, Airbnb.org საჯაროდ აცხადებს პიროვნული მრავალფეროვნების, თანასწორობისა და წინასწარგანწყობებისგან თავისუფალი დამოკიდებულების ხელშეწყობაზე ზრუნვისთვის მზადყოფნას.

2017 წელს გუნდმა, რომელიც შემდეგ Airbnb.org‑ის ნაწილი გახდა, დაისახა გაბედული მიზანი, რომ რთულ ვითარებაში აღმოჩენილ 100 000 ადამიანს უპოვიდა დროებით საცხოვრებელს. 2021 წლის დეკემბერში Airbnb.org‑მა ამ მიზანს გადააჭარბა.